Brauchs in Alkohol oder die Goaß af ar Party?

Wenn men a sou Achte gib, mecht men sell seggo muanen. Leider leider sig men Somstigs olleweil mear Leitler ummersaufen. Die Typen weren olleweil jinger, und gsoffen wert olleweil mear. Sellewegen brauch men sich an nit wundern, wenns af der Stroße hin und wieder schnellt. Der Alkomat und I kennen a Lied dervon singen (in die engern Kollegen isch die storia eh bekonnt).

Af jeden Foll wars um einiges gscheider, wenn men sich iberlegen tat, alkoholfreie Wochenenden inzufieren. `S Problem isch: Wer organisiert sou eppes? A poor hobms probiert, außerkemmen isch holt decht nou nie eppes gscheids. Zu wienig Fun und Äktschn, zu komische Leit, und gschickt hots a nou niemend. Und reich geworden isch a nou niemend be der Gschichte zuachen. Und mann kennt die Leit jo: Wenns finanziell nit stimmp, nor nutzt die gonze Idee (wennse a guat gemuant isch) sauber nichts.

Die Goaß (=süffiges Getränk mit mear oder wieniger Alk [*gggg*]) isch wieder a Kapitel fir sich. Do gibs die Befürworter und die fanatischen Gegner. I glab ober, dass i in Nomen fe der gonzen Gang reden konn, wenn i sog, dass die Goaß a super Alternative zen Alk isch. Nochher geats uan olleweil nou guat, monche schickts a recht ordentlich (insern Hidraulikerkönig meischtens sogor aussen aus der Welt), ober mann isch olleweil nou einigermaßen normal, und kimmp a ollm selber wieder huam.

Die Gang hot sichs zun Ziel gsetzt, Alternativen zun Alkoholge(miss)brauch zu fenden, und a in der Praxis auszuprobieren. Vielleicht nutzts eppes, und irgendjemand mocht sich selber a poor Gedonken iber de gonze Gschicht.

Mit de weißen Worte mecht i iets a auhearen. I wer probieren, fir`s negschte Moll a statement fen Alkomat und fen Hidraulikerkönig zu kriegen (sein mit der Materie besser vertraut als I).

S e r v u s

Hani